منتديات منتخب المستقبل اربجي

تعالو نغنـــــــــــــــى

استعرض الموضوع السابق استعرض الموضوع التالي اذهب الى الأسفل

تعالو نغنـــــــــــــــى

مُساهمة من طرف احمد على حسب الرسول في الأربعاء 20 أكتوبر 2010, 8:13 pm

تعالوا نغنى غنى الايام الجايه كتير
ونفرح بيها سماء السودان
تعالوا نلم الوان الطيف
الفى الخرطوم ابناء شعبى
والفى امدرمان
تعالوا نفكر ايه البيحصل فى السودان
الجوع.. المرض.. الخوف
الشك عدم اطمئنان هد الانسان
تعالوا نقعد نحسب خطونا
من ما اخدنا الاستقلال
لحدى الآن..
اتقدمنا ولا اتأخرنا
اتأخرنا ولا اتقدمنا..
سؤال مطروح لى كل
فئه من فئة الشعب
بالف سؤال: دم اجدادنا
بيحرض فينا على الحرية
وبيذكرنا عشان ما نحافظ
على وحدتنا الوطنية
بس مكتسابتهم بصراعاتنا وبخلافاتنا
دفناها وبقت منسية...
حقو نشوف من وين بتجينا مشاكلنا
ومنو البيعطل حركة شعبنا بالزندية
ونجيبوا ونحاسبوا
بعدالة وبديمقراطية
انا شايف الجوع بيطل
من وقت لاخر
ليه!! وبلدنا سهول
اطفال بيتشردوا فى
الطرقات وبياكلوا الذل
ومنو المسئول
والحرب لعينة وممتدة وبتحصد فينا
ويا للهول ويا للهول
وبلدنا الغاليه ام الخير
فيها كمان ظهر البترول
اشياءنا بتنتاقض
وفى الواقع نحنا كتير وكتير
بندور فى الحلقة الواحده
كما البندول..
نكسرها كيف!! الحلقة
الواحدة دى نكسرها كيف!!
ونمدها جسر يوصلنا
والدنيا عجول..
يا حكامنا الدنيا عجول
ياساستنا الدنيا عجول
يا جنرالتنا الدنيا عجول
يا ساداتنا الدنيا عجول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو

ـ ـ ـ ـ ـ ـ ـ ـ ـ ـ ـ
اللهم صلي علي حبيب الأمة

احمد على حسب الرسول
السكرتير العام
السكرتير العام

عدد المساهمات : 673
تاريخ التسجيل : 18/05/2010
العمر : 23
الموقع : السودان_اربجي

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى