منتديات منتخب المستقبل اربجي

قصائد من دفاتري الخاصة

استعرض الموضوع السابق استعرض الموضوع التالي اذهب الى الأسفل

قصائد من دفاتري الخاصة

مُساهمة من طرف حاتم بشرى عبدالوهاب في السبت 19 يونيو 2010, 3:39 pm


يا الـــــبـراحة براحة نزلت وادفقــــــت مع شريانــــــــــــــــــــــــــــــــــــي
وإتاملتك طالعة وجايــــــــــــة واتحسستك في أنفاســـــــــي
ياما تعبت ويــــــاما فتــــــرت وياما خطـــــــــاي الفاتت تبحث عنـــــــــــــــك
ووين مامشيت الــــــروح تبـــــــــراك
وين ماتحكــــــــــــي
وين ما تنزل راحـــــــــلة سفـــــــــرك
كنت بسافـــــــــر شــــــادي رحــــــالي
كلمــــــا تشـــرق طــــــلة وشك
وتبدأ حروفك تطلع شاقة ملامــــــح صورتـــــــــك وصـــــــــوت إحساســــــــــــي
أبقي أحس بأنــــــك روح الروح
الجوة ضلوعــــــــــــــــــــــــي
وتبدي تروحــــــي مع أعمــــــاقي
عــــــــــــــــــزرا......
يا الأدهشت قوافـــــــــي الكلمــــــة ويا الاديـــــــــت
مسافة عمري معـــــــــاني
عفــــــــــــــــــوا.....
يا الحولت مخــــــارج حرفي مقاطع.....
ويــــــا العذبت القــــــلب التاه في هواك
ويــــــا الشردت أفكــــــار الشوق اللابد
مابي الطــــــلعة وخاف أنساك
حبــــــا إنت...
وغصبـــا إنت...
إنت أحبــــــــــــــــــك
وإنك تبقي عيــــــوني وتبقي حياتي
ياما عشقـــنا عيونك ســـرا وجهــــــرا
وأصبــــــح شوقنا صبــــــاح وليالي
يا القــــــربت تحصلي حــــــد الدهشــــــة
وكلمــــــا أقرب يزيد إعجــــــابي
لأنك يامــــــا سكنت معــــــانا وعشت
وكنت النفس الشــــــادي خيالي....



عدل سابقا من قبل حاتم بشرى عبدالوهاب في الجمعة 17 سبتمبر 2010, 10:26 pm عدل 2 مرات

حاتم بشرى عبدالوهاب
المدير العام
المدير العام

عدد المساهمات : 704
تاريخ التسجيل : 16/05/2010
العمر : 35
الموقع : اربجي

http://elmostgbal.ahlamuntada.com

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف خليفة بكري محمد في الجمعة 25 يونيو 2010, 7:21 pm

يا سلام يا حاتم اكتر بيت عجبني
وإنك تبقي عيــــــوني وتبقي حياتي
ياما عشقـــنا عيونك ســـرا وجهــــــرا
وأصبــــــح شوقنا صبــــــاح وليالي
يا القــــــربت تحصلي حــــــد الدهشــــــة
وكلمــــــا أقرب يزيد إعجــــــابي
لأنك يامــــــا سكنت معــــــانا وعشت
وكنت النفس الشــــــادي خيالي....

خليفة بكري محمد
نائب المدير العام
نائب المدير العام

عدد المساهمات : 897
تاريخ التسجيل : 18/05/2010
العمر : 23
الموقع : في قلب المنتخب

http://Www.onesport.yoo7.com

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف احمد على حسب الرسول في السبت 26 يونيو 2010, 2:03 pm

والله شاعر حقيقتا ياحاتم بس اتمني انك تنزل كل قصايدك في المنتدي...

وياخليفه ليش عجبك البيت ده بالذات..

احمد على حسب الرسول
السكرتير العام
السكرتير العام

عدد المساهمات : 673
تاريخ التسجيل : 18/05/2010
العمر : 23
الموقع : السودان_اربجي

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف حاتم بشرى عبدالوهاب في الأربعاء 30 يونيو 2010, 2:42 pm


يارا
يارا...
ياراحما يارازقا كل البشر
يا راجما عين الملل........
ياراقدا تحت المطر يارافضا طعم العسل
ياراتعا تبكي القدر
ياراقصا نظر الأجل
ياراكعا تحت المطر
ياراسلا شوق الأهل
ياراجيا نجم السحر
ياراتلا عند الغلل
يارا ديار من قمر
يارا شفاء من علل
هذه يارا.....
ويالها من يارة تسبي العقول
فتانة محانة نار ........... ونور
منقوشة محروسة تنكئ جروح
مجلية مصقولة ذهب ...... يفور
هذه يارا***
خداها ... تلمع في الغسق
وجناتها.. سحر الشفق
نورا يزيد في الألق
حبا يمسح في القلق
*****
هذه يارا
فراشة تعيش في الخريف
تغني للأصيل والصباح......
ترش عطرها هناك ورقة تداعب الجناح
****
هذه يارا
نسمة تهب في الحرور تسكن الحروق والآلم
تزيل دمعة الحزين ترضي كل ماأنظلم
هذه يارا
سحابة تسير في الفضاء
تسر كل من يحب قربها
تظل زارعا وحقل
تهز وردة ونخل
تضم خائفا وجل
وتهدي كل تائها وضل
وتروي كل ظامي يود حبها
*****
هذه يارا
لوحة تشكل الغموض
تراقص الطيور في الغصون
همساتها عزف فريد
غريدة...
فاقت معازيف الفنون
*****
هذه يارا...
حروف من عسجد ونور..
جمال وأخلاق بلور.......
مزروعة معاني زهور
مطبوعة كلام وسطور
حورية وغالي الحور
لؤلؤ وساري بخور
هداية بر وبحور
فواحة فل وعطور
*********
دي يارا...
يراع من نرجس وند
عينيها نعاس
ضحكاتها الماس من قمرة
"شعرك"...
كل حروفو قليلة
دي يارا
مرايا صفحة نيل ومظلة
دي يارا
سرايا سكة ناس وملوك
وقبة راهب فات من أهلو وجن
ودمعة زول غرقان في الريد
وقصة واقف راجي المطرة
****
دي يارا
نجمة تحوم ضواية ليل
تهدى الغاب من ناسو وجن
وحديقة زهر الفل الجانا
وريحة نسم الليل الهب وعم

دي يارا....
لمسة يد بتداعب وردة
وضمة عاشق بشتاق وأتمني
****
دي يارا
تجنن كل الشاف عينيها
تودر عقل الماسك سبحة
تسفر ناس لي عالم تاني
تسكر زول من غير مايشرب خمرة
دي يارا
طيبة روح
ونظرة تجنن
بسمة تمحن ناس خلق الله
هذه يارا.... ودي يارا
*********



عدل سابقا من قبل حاتم بشرى عبدالوهاب في الأربعاء 30 يونيو 2010, 2:56 pm عدل 1 مرات

حاتم بشرى عبدالوهاب
المدير العام
المدير العام

عدد المساهمات : 704
تاريخ التسجيل : 16/05/2010
العمر : 35
الموقع : اربجي

http://elmostgbal.ahlamuntada.com

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف حاتم بشرى عبدالوهاب في الأربعاء 30 يونيو 2010, 2:44 pm

بستنشقك

بستنشقك نفسا بهل كلما
أشوف عينيك دقت في وشي
بتلهفك....
شوق وإنتظار وأستعذبك
لمن تهلي وتطلعي
وبترنمك ......
عزفة وغني
وبتأملك ....
لمن تروحي وترجعي
بتلفحك ....
غيمة وسحاب
وبتنسمك .... عطرا ندي
ياتائهة في كل العيون
ياساكنة فينا وتسرحي
لمن أشوفك بندهش
وتبقي المقاطع وغنيتي
خلقوك لي روحنا "وهواها"
"تنهيها" إنت وتأمري
كلك جمال والكون غريب
مستني شوفتك وتبسمي
ما أظن عيوني تشوف عيون
تقدر تضاهي عيونك إنت
عشقك مع الروح والخيال
ريدتك بتسكر من دمي
نفسك معانا علي الدوام
يدينا عمرا وينتهي
باكر بحبك زي قبيل
وتكوني إنت الواصلة دربي
******


عدل سابقا من قبل حاتم بشرى عبدالوهاب في الأربعاء 30 يونيو 2010, 3:04 pm عدل 2 مرات

حاتم بشرى عبدالوهاب
المدير العام
المدير العام

عدد المساهمات : 704
تاريخ التسجيل : 16/05/2010
العمر : 35
الموقع : اربجي

http://elmostgbal.ahlamuntada.com

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف حاتم بشرى عبدالوهاب في الأربعاء 30 يونيو 2010, 2:45 pm


{جرحك}
جرحك بري وأنا لسة جرحي عليك شديد
كلما أقول قرب يخف
بلقاه بنزف من جديد
إتجددت الآمي في عز الأمل
أنا شان بريد
وأنا بين عيوني وضحتك
مسافة لي دربا بعيد
إتمحت ضحكة عمر
في العين وفي القلب السعيد
وسافرت في الليل دموع
جرحت بي آهة سكات الخديد
وبين دموعي ودمعتك
مليون مسافة مشيت وحيد
وبين الجروح الجات علي وابتسامتك
قصة من أحلي القصيد
زولا رحل في غفلة من دمعي الشريد
شائل معاه الشوق والفرح
المعشعش في الوريد
ودع غصون أحلامو لي غصن
العوازل والبكيد
ومابفيد أنك تبارح شوقنا لحظة ومابفيد
ماإنت مزروع في حياتنا فرحة في يوماتي عيد
وإنت سيد روحنا تحكم وعلينا طاعتك وحب شهيد
مابتنسي الحب اللي عانق دواخل شوق وريد
وبرصو بتسامحك عيوني وأبتسامتي الياما أشقاها النهيد
وليك بهديك أحلي غنوة وضحكة حلوة وأقول وأعيد
كنت السعادة الليك عشت وإنت برضك
خنتي للحب الفريد
ماني ندمان شان فقدتك أو بكيت دمعي البزيد
الا ندمان عشان قليب فكر يحب
وما عرف بس وين يريد
*******


عدل سابقا من قبل حاتم بشرى عبدالوهاب في الجمعة 17 سبتمبر 2010, 10:31 pm عدل 1 مرات

حاتم بشرى عبدالوهاب
المدير العام
المدير العام

عدد المساهمات : 704
تاريخ التسجيل : 16/05/2010
العمر : 35
الموقع : اربجي

http://elmostgbal.ahlamuntada.com

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف حاتم بشرى عبدالوهاب في الأربعاء 30 يونيو 2010, 2:48 pm

شيخ القمر
{الجزء الأول}
الضل رمي والحاج يكورك للفطور:
ياحاجة لسة ماأنتهي؟
: "ياشيخ قمر مالك بقيت كوراك ماكنت خابراك سعجيلا كدا يادوبو ختيتها الحليلي علي الوقود"
الحاج خلاص نفسو أنقطع ... غلبو الكلام أتمحن الشقي في الوطا..
وقال: ياالله صبرك يارضي
خت الأبيرق منتظر جية الفطور
:"ياحاجة لسة ماجهز؟"
الحاجة ماردت عليهو صوت الفرك في الويكة يادابو أنتهي
والقحة تطلع من خشيمها مع الحطب
:"الساعة واحدة وشيخ قمر ياحاجة لسة مافطر!؟" الحاجة شامة قالتلها الحكي...
تاوقت شافت الشيخ منتظر
قالتلو:" هوي.... هوي قمر جاك السلام"
الشيخ مدندن ماسمع..
:" خبارو ياحاجة القمر!؟"
قالتلها: سيبيهو ياشامة إنظلم; الشيخ قمر لي يومو دا لا شاف قروش لا ادوهو ناس الدين قروشو الدايرة ، يصحي ويقوم الساعة خمسة من الصبح بقي لابصلي صلاتو ديك ولابغسل وشيهو من القضا حالو ياشامة إنكرب
بقي زي العجوز المخرف وإنتهي.."
والحاج يكورك: ماأنتهي!!؟
الحاجة شالتلو الصحين
العصيدة في ربع الصحين
الملاح أبيض مسيخ لابصل لا لحم
غير الملح والويكة عدمان الطعم
ختتلو قدامو الاكل...
قالتلو:" سمي ياشيخ القمر"
الشيخ قمر مد الأصيبعات في الصحين
اللقيمة الأولي تف
اللقيمةالتانية تف
اللقيمة التالتة مجبورة النفس مجبورة تاكلها تبلعا
والشيخ قمر حمد الله تب وقال للولية الفي التكل :" حاجة الرضية عليك الله الشاي معاك"
حاجة الرضية داسالها حبة سكرة
في توبها صاراها الحنينة عارفاها الظروف خاتاها للضيف البجي...
قالتلو:" حاضر يا السمح"
قاليها:" أنت الحاجة شامة مي كانت هني!!؟ واللا أنا سمعت صوتا زيها"
حاجة الرضية ختت أيديها في جبهتها وقالتلو:" هي يا الحاج قمر أنا مانسيتها مع الفطور!!؟
والحاج ضحك رغم التعب
تكل الرويس في العنقريب
قال: يالطيف سترك علي يا الله تديني القروش يا الله تديني القروش....)

والنومة شالت شيخ قمر حلمانلو بي زولا كبير مليان رزم
قال للقمر: هاك ياقمر تستاهل المال ياتقي..

حاتم بشرى عبدالوهاب
المدير العام
المدير العام

عدد المساهمات : 704
تاريخ التسجيل : 16/05/2010
العمر : 35
الموقع : اربجي

http://elmostgbal.ahlamuntada.com

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف حاتم بشرى عبدالوهاب في الأربعاء 30 يونيو 2010, 2:50 pm

الشيخ قمر
{الجزء الثاني}
الشيخ قمر بقي يتشابي للزول والقروش وقالو: جاي.. جاي ياسيدي.
الزول ضحك :" أنا سيدك؟!
قالو: أي بلحيل سيدي وسيد سيدي "
: لكن عليك شرطا تقبلبو يا شيخ القمر أمسح جزيمتي من الوسخ"
الشيخ قمر لا قالو لا لا قالو أبيت هين رضخ
الشيخ قمر مسح الجزيمة من التراب
الزول ضحك ورفس القمر لمن وقع وشاف النجوم نزلن قراب قاليهو: هوهو يا القمر قول كلب القمر قول طيرة القمر قول كفر القمر"
الشيخ قمر شايف القروش كيفن يصم خشمو ويصن...
الشيخ بكي لاكنو صبران شان قريشات دايرا وشان غلب...
الشيخ بكي متحمل الذل شان الرضية الدايرة حق السكر الويكة العدم
رضيان عشان الناس بقت في همها وماماخدة بي خبرو الخبر
وعضاها سبابة الندم
أي زول في حالو بس
أي زول مسكين فقير لازم يجوع
أي زول تعبان هنا لازم يموت
ومافي زول قشاش دموع
التماسيح ست البلد
الفراش يانا الغلابة الزيهم
وزغرودة للزول الشرد
ليهو حق يرضي الهوان
ليهو حق يلحس جزم ويندق بالسوط
في القفا
الناس بتشتري بالقروش
والناس بتتباع بالقروش
مسكين قمر
ينزل عشان يلقي القروش
ماهي القروش بقت السبب
بقت السادة والسيد والرئيس
العالي بركب أي زول زي الحمير
لازول بقول يا خينا لا لازول بقول ياناس كفي الزول كبير
عندك قروش تصبح ملك
فقران وعدمان القروش حرم علي النعمة ماك ود الحلال
والنباح بهوزز ضنبو للزول الملك
السكوت بقي بالقروش
والكلام بقي بالقروش
بالخلق البشر والحق تقول:
كم من قمر مات بالعطش؟ حرم تقول
كم من قمر ساقوا الجيوش كتلوا بعيد؟ حرم تقول
كم من قمر طردوهو من المدرسة؟
حرم تقول
كم من قمر فصلوهوا مس جامعتو كم؟ حرم تقول
كم من قمر جلدهو في كلمة صدق؟ حرم تقول
كم من قمر مالاقي حق الويكة بس؟ حرم تقول
الوجوه الحلوة ظاهرة الأيادي الناعمة نائمة والأيادي الخشنة ساهرة
في الحروب ناسا تداس
وفي القصور أحلي الأناث
المشاوير مارسيدس الحدائق والجناين والمدارس جيب ولانسر
الجامعات في أوربا بس وزاد الفقير لالوب عدس
ليهو حق الشيخ قمر يبكي ويعيش
الدنيا زاتها بقت كدا
شيخ القمر حال المراح السيدو راح
شيخ القمر زول زيو كم؟
لوداير تكون مازي قمر ربي الدقينة وكبرها شيل سبحتك كبر بطينتك وشحمها أفلق جبيهتك بالصلاة تبقي الكبير
البلد دايرة الكبير
وزي القمر الله أعلم برضي زول
والدمعة تنزل في الحصير
والجمل ماش في المسير
ونحن خوفنا من المصير

حاتم بشرى عبدالوهاب
المدير العام
المدير العام

عدد المساهمات : 704
تاريخ التسجيل : 16/05/2010
العمر : 35
الموقع : اربجي

http://elmostgbal.ahlamuntada.com

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف حاتم بشرى عبدالوهاب في الأربعاء 30 يونيو 2010, 2:52 pm

الشيخ قمر
{الجزء الثالث}

الحالة....
الحالة حالة شعب رضيان بالهوان
رضيان يعيش بي همو بس
أي واحد نفسو بس
الفقر... عيشة الكلاب تتجاري لي عفن اللحوم
الفقر... طعم النسور الكائسة للجيف والفطيس
الفقر.... حال الضباع الجائعة شمامة الدموم
الفقر.... حال الشعوب الزينا
الدين لعب صلاتنا لي الله الكضب
ركعاتنا للناس الحلال
الكروش مليانة بي حق البلد
ناس تكابس للفطور
وناس هناك فوق القصور تمتلك أغلي العطور
الناس هناك تشرب الشاي باللذيذ
تأكل مع الشاي الفطير تأكل كعك تأكل عنب
والشيخ قمر مالاقي شئ
تشرب عصير تمضغ لبان تأكل سمك والشيخ قمر مالاقي شئ
تلبس حرير تلبس سيوتر من برد
والشيخ قمر مالاقي شئ
تركب سفن تركب حصين تركب جديد لنج الحديد
والشيخ قمر مالاقي شئ
وليهو حق مايلقي شئ
ماعلم النفس التدني للرجال
ماعلم القلب مايقوي تب
ماعلم العين ماتشوف
ماعلم الليدين تسلم للكفوف
تمسح جزم
والشيخ قمر لابحس ولابشوف العوج
والقمر يصرخ ويقول للناس:" شن يسوي للفوق القمر أمانة ياناس ما أنضبح أمانة مامات القمر!!
_ياشيخ قمر خليك زولا ليهو ضل
ماتتابع الناس في الكلام ماتبقي قوالا شديد
خليك زولا من حديد الأرضة ماتجيبلك خبر
إنت زولا من لحم.. واللاماك عارف اللحم!؟
إنت زولا من عضم .. واللاماك عارف العضم!؟
إنت زولا من تراب واللاماك عاا..... والله بتعرفو التراب وشوف الرهاب والضحكة في عز العذاب
ياشيخ قمر...
صلي لي الله الكريم يعمنا الخير في البلد
ياقمر...
والله دعوة كل مظلوم ليها رب
وإنت مظلوم ياقمر
أدعو الله يفك كربتك
أدعو الله يشيل محنتك
أدعو الله يعافي بدنك
أدعو الله يعافي دينا الانسرق
وصية ياالقمر أسمعهاSad كان جيت تقول أسم الظلم لي الله قولو وأكتمو السر أمان .. المفتش في القطر والناس تخاف..
والقمر صحي منخلع والشاي برد والساعة بقت عصير
والحاجة نائمة من التعب
من الفرك من الحطب
نست الغدا ونست الصلاة
والخوف تكون حلمانة بالشافو القمر
ياريت تكون شايفالها في النومة الفرج
ووين الفرج ياحاجة بس
جوة السجن مساكين ليهم الله
السارق العيش أنسجن
السارق التوب من برد السارق البصل انسجن
السارق الخيت إنسجن السارق الأبرة انسجن
وكم ناس هناك ناس عائشة كيف بائعة القروش سافة الخلق داسة الرزم فوق المصارف والبنوك
وناس الجمرة شايلاها وتلوك ناس شايلة حق الناس غصب ناس بتعرف للكضب الله قال ورسولنا سوي
والجمل عاجباهو روحو
أف عليك ياراعي ودرت الغنم ضيعت حق الناس معاك
الكضب حبلانو جارات بي وراك وماطوال
لكن علي الشعب انجبر
ناس تئن ناس الوباء بينها أنتشر
تصرخ تقول يا الله لي
الراعي بي روحو أنشغل
والناس هناك كاتمة الخبر
ياالله جيب لينا الفرج
يا الله جيب لينا الفرج
****************

حاتم بشرى عبدالوهاب
المدير العام
المدير العام

عدد المساهمات : 704
تاريخ التسجيل : 16/05/2010
العمر : 35
الموقع : اربجي

http://elmostgbal.ahlamuntada.com

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف حاتم بشرى عبدالوهاب في الأربعاء 30 يونيو 2010, 3:09 pm

{يابت ياسحاب}
[center]
يابت ياسحاب ياشائلة مطر
ياآسرة قلوب الناس وبشر
يا عائشة هناك موزعة بين أنهار وبحر....
سحرتي عيونا في الليل وسحر
لا إنت بشر لاملاك لاقمر..!
ماأظني أنا المسكون بالشوق أقدر
أشرح سر الروح الفيك ظهر
مابينك وعشق الجنة شبر
لا قادر أصلك ولقلبك أصل
أصلا أنا المفتون بالحاجة الفيك
الما مفهومة شنو
الجذبتني اليك
وخلتني أسير....
وأنا الحرمت الحب من بدري وقلت كتير..
كتير أتحرق قلبي زمان ياأمير
تصدق داير إنت تعذبو تاني
وأبكي كتير
فكر فيني عشان ما أغرق
لكني بخاف لا تحس لا تبقي سمير
يا حنين.. خليك حنين حبة
مد أيديك لي زول إتنفس حبك ليل وعصير.
أنا المسكين المالاقي حنانك جنبي
معقول تمليهو قليبي ويحبك غير دمنا واحد جدنا واحد حبنا واحد
أكيد أولاهم أنا والله أكيد
كنت معاك بس لدقائق إتمعنت ملامحك جنبي تقولي ملاك
أتحسست أناملك بفؤادي
فردت هواي وقلت هواك
عمرك كلو أنا ماشفتك ومما شفتك
حسيت ياغالية معاك
صوتك عذب قلبي ياسمرا وأنا الاسمر
يا أنت ياروحي فداك.....

[center]

حاتم بشرى عبدالوهاب
المدير العام
المدير العام

عدد المساهمات : 704
تاريخ التسجيل : 16/05/2010
العمر : 35
الموقع : اربجي

http://elmostgbal.ahlamuntada.com

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف حاتم بشرى عبدالوهاب في الأربعاء 30 يونيو 2010, 3:12 pm

الحزن أنت والدموع أنا

الحزن أنت... والدموع أنا
وتوارت الأحزان في صدري
أتنهد الالآم غصبا..
أتنفس الأشياء دما
أنا.. أنا
لا ألتمس غير البقاء علي الرصيف
قأنا أنيس حزني عندما أحتاجها فرحا
فاصرخ في ظلال الحائط المركون في قلبي كثير
أم كسير الشوق والصمت المخيم في الأماني أن يعود
ولايعود...
رباه من قلبي ومن وجعي هنا
عيني ولاعيني تري دمعي
وأذني علي وجعي
وإنتحاب الصوت لا أسمع صريرا أم أزيزا أم حفيفا في الهواء..
يازائرا في الليل هانذا..
علي مشارف الالوان مكتشفا كل المرايا والسرايا
أتود أن تتدفق الافراح والاحلام والالآم في عمق العيون...
ياطائرا بالله غرد رغم الجناحات الممزقة بالحديد
أنت الطريق الي الجليد
الله منك ياوحيد
ياذا العيون بلا رموش
أين النعوش? فأنا أموت
أتصدق الرؤيا ?!
فقد حلمت وأنا أطير علي فراش الموت مسجي
ياللتناقض في الوجود....
وفي السجود ....وفي الركوع
الناس تجري في التياع
يامن معي ماذا حدث??!
ماذا جري آه أنا
يامن تكبد صرخة الليل الطويل
مسكينة روحي تلهو مع سيف المترجم للختام..
النار تبرم عقد الصداقة والمياه
أفواه البنادق في فمي
أصرخ علي ماذا الصراخ
أنتفخ أيها المطعون غدرا
قد مت قبلك قل كثيره
هل تسكن الآهات قلبك كلها?
فأنا لها وأنا وطن
إتكئ فأنا عشقت الإتكأة للجراح
وعرفت معني أن تموت بلا آلم
أصرخ هنا...
فأنا الصراخ وأنا الصريخ
فالصوت مني قد ولد
فأنا ولدت صارخا
وأنا هنا علي كبري ولفت الدمع والحزن العميق
آواه يا أنت الآلم
أأنا شريك أم رفيق
غادر الي أحد سواي
فقد تعبت وقد ربحت...


حاتم بشرى عبدالوهاب
المدير العام
المدير العام

عدد المساهمات : 704
تاريخ التسجيل : 16/05/2010
العمر : 35
الموقع : اربجي

http://elmostgbal.ahlamuntada.com

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف حاتم بشرى عبدالوهاب في الأربعاء 30 يونيو 2010, 3:15 pm

الحب جهرا


إلي من أحببتها جهرا
مدي سبعون شهرا بالمودة والوفاء
وتركت مجداف التلاقي
موعدا عند المشارف للقاء
الي:
من أيقظت حس التوتر في دمي
نهرا بلاشاطئ ولا إنهاء....
إلي:
من عمقت جرح التوسل بغتة
وأدمنت حب التألم والعناء
ويافضاء العمر يا كل الضياء
مهلا.....
فقد ضاع الوفاء!!
أمازال التودد أمنية?
أم أنت ذاك الكوكب المعتم والهراء
يانجمة سطعت بلاضوء
ويا ضحكة خرجت بلاشفة مع الضوضاء
أكل هذا العشق ولا أنت معي إصغاء
وكل ذاك الحب يغمرني
أأبكي أم التحف دمعي غطاء
أم أترك الشوق الموسد في دمي
سيفا يقطعني من الاوصال للأحشاء
أم أصبحت عندك الأشياء لعبة
تعطيها حبك مرة
ومرة مر الجزاء....
"قد" يلتئم جرحي علي عجل
"أو" يلتقي دمي ودمعي في البكاء
ضاعت...
أماني القلب في الأحزان وأمتزجت
مع الآهات والأصداء....
وجلست أحكي في ضفاف النهر
منكسر لنفسي في المساء.
"أكل الناس إن عشقت
تمادت في الجراحات والشقاء
وأشعلت أوار ذاك الغبن
ناسية داء المحبة والدواء"
أسفا علي كل الحروف
التي صاغت معاني للرثاء..
وآه علي هذي الدموع
التي ضاعت وماتت في الهواء
أجبرت أن أشقي علي صغري
وأفقد من كانوا أحبائي
ولكني وإن كبرت سنيني
فكفي إلي رب السماء دعاء..

حاتم بشرى عبدالوهاب
المدير العام
المدير العام

عدد المساهمات : 704
تاريخ التسجيل : 16/05/2010
العمر : 35
الموقع : اربجي

http://elmostgbal.ahlamuntada.com

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف خليفة بكري محمد في الأربعاء 30 يونيو 2010, 8:02 pm


شكرا لك أيها الشاعر علي ما قدمته لنا

بالنسبة للسؤال اللي في الأعلي الرد لأنه بيت رومانسي

و بالنسبة لي انك شاعر عاوز انك تكتب أي قصيدة في موضوع لوحده لكي انقله إلي المكتبة الشخصية لك



خليفة بكري محمد
نائب المدير العام
نائب المدير العام

عدد المساهمات : 897
تاريخ التسجيل : 18/05/2010
العمر : 23
الموقع : في قلب المنتخب

http://Www.onesport.yoo7.com

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف خليفة بكري محمد في الأربعاء 30 يونيو 2010, 8:13 pm


معليش في حاجة ثالثة ما قلتها ليك عندي ليك موقع لكل الشعراء السودانيين يمكنك من التسجيل فيه و و يكون ليك صفحة شخصية و تقدر تكتب أي قصيدة عاوزها و تقدر تشوف كلمات اناس آخرون و الرابط

الموقع ‏من ‏هناااااااااا


خليفة بكري محمد
نائب المدير العام
نائب المدير العام

عدد المساهمات : 897
تاريخ التسجيل : 18/05/2010
العمر : 23
الموقع : في قلب المنتخب

http://Www.onesport.yoo7.com

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف احمد على حسب الرسول في الأربعاء 30 يونيو 2010, 9:10 pm

ماشاء الله ياحاتم لكن نصيحه ليكم بخروا المنتدي من عيون الناس .
ابداع..

احمد على حسب الرسول
السكرتير العام
السكرتير العام

عدد المساهمات : 673
تاريخ التسجيل : 18/05/2010
العمر : 23
الموقع : السودان_اربجي

الرجوع الى أعلى الصفحة اذهب الى الأسفل

رد: قصائد من دفاتري الخاصة

مُساهمة من طرف احمد على حسب الرسول في الأربعاء 30 يونيو 2010, 9:10 pm

ماشاء الله ياحاتم لكن نصيحه ليكم بخروا المنتدي من عيون الناس .
ابداع..

احمد على حسب الرسول
السكرتير العام
السكرتير العام

عدد المساهمات : 673
تاريخ التسجيل : 18/05/2010
العمر : 23
الموقع : السودان_اربجي

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى